رزگاربوین زیلینسکی و سەرۆک وەزیرەیل یۆنان لە گورزیگ رووسی
![رزگاربوین زیلینسکی و سەرۆک وەزیرەیل یۆنان لە گورزیگ رووسی](https://media.shafaq.com/media/arcella/1709793787794.png)
سەرچەوەیل ئۆکرانی خەوەردان کە گورزەگە کەفتە نزیک دەسەدەورەی سەرۆک ئۆکرانیا، کە لەورا وەگەرد سەرۆک وەزیرەیل یۆنان گردەو بوێد.
رووژنامەی واشینتۆن پۆست ئەمریکی لە زوان وەرپرسەیل یۆنانی وت: زیلینسکی و ئەندامەیل شاند یۆنان بیوەی بوین، هەرچەن مووشەکەگە کەفتە نزیکەی تەنیا ١٥٢ مەتر.
زیلینسکی و میتسوتاکیس لە ساعەت ١٠:٤٠ شەوەکی سەردان بەندەر ئودیسا کردن، کە کەفتە گەرد فیکەی هووشداری لە گورزەیل ئاسمانی، تا دویای کەمیگ رممەی هەڵسیا.
لە لێدوانیگ لەبان ئەو گورز رووسیە، زیلینسکی وت: نووڕین وەرد کیا رەفتار کەیمن، یانە پاپەی ئەو شوینە نیین کە مووشەک ئەرای وەشنن، زانم کە ئمڕوو زەخمداری کەفتیە، هیمان هویردەکاری نیەزانم، باوجی زانم کە قوربانی هەس.
وتیش؛ چ سەرباز بوین یا مەدەنی یا میوان ناودەوڵەتی، لەلای ئەو مردمە هویچ گرنگ نییە، یا سەر لەلییان شیویاس، یا کارەیل سوپایان وەدەس خوەیان نەمەنیە، یەیش دووپات کەێد لە خوازین وەرگریکردن لە خوەمان، و خاسترین شیوە خوەی وە سیستم وەرگری ئاسمانیە.
لەلای خوەییش، میتسوتاکیس وت: دەنگ فیکەی هووشداری و رممە کە فرە لە نزیکمان بوی، و وەختیگ نەیاشتیمن ئەرا شوینیگ ئارام بچیمن، وەگورەی ئێزگەی حکومەت ئۆکرانیا.