رزگارکردن ژنیگ دوو رووژ لەناو ماشینەگەی بویە لەناو ئاو لە تەکساس
![رزگارکردن ژنیگ دوو رووژ لەناو ماشینەگەی بویە لەناو ئاو لە تەکساس](https://media.shafaq.com/media/arcella/1681371562181.jpg)
2023-04-13T07:39:42+00:00
شەفەق نیوز/ پولیس ئەمریکا، ژنیگ رزگار کرد ک تا ماوەی دوو رووژ لەناو ماشینەگەی لەژیر ئاو دەریاچەیگ لە ویلایەت تەکساس گیر هاتگە.
یەکیگ لە راوچیەیل ئەو ماشینە پەیا کرد ک تەنیا بەشیگ لە بانەگەی دیار بوی، و لەناو دەریاچەگە نقوم بویە، و پولیس هەناێ تەقەلا دانە ماشینەگە درارن، نووڕن ژنیگ لەناوی جویلە کەێد.
پولیس وت: ئاشکرا نەویە تا ماوەی چەنیگ ئەو ژنە لەناو ماشینەگەی لەژیر ئاو بویە، باوجی سەرچەوەیلیگ ناوخوەیی وتن؛ تا ماوەی دوو رووژ ئەو ژنە لەناو دەریاچەگە بویە.
ژنەگە رەوانەی خەسەخانە کریا، و ناوی لە لیست بیسەروشوینەیل لەلای پولیس لۆنگفیو لە تەکساس توومار کریاگە.