گەردەلویل وەفرین لە ئەمریکا گیان ٩ کەس سینێد
2022-12-24T07:01:37+00:00
شەفەق نیوز/ کەناڵ "CNN" باس کوشیان ٩ کەس لەلای کەمەو کرد، لەوەر ئەو گەرەلویل وەفرینە ک ئیرنگە ئەمریکا گردیەسە وەر.
کەناڵەگە وتیش: ٤ کوشیان وە رویداوەیل توومار کریان، ک فرەیان رویداو هاتوچو بویە لەوەر بەدی کەشوهەوا لە ویلایەت اۆهایۆ و کینتاکی و میسوری و کانساس.
لەلای خوەییش سایت "flightaware.com" باس پویچەڵکردن کاروانەیل ئاسمانی دویەکە لە ئەمریکا لەوەر بەدی کەشوهەوا.
وەگورەی سایت "poweroutage.us" ئەو گەردەلویل وەفرینە کارەبا لە زیاتر لە ٥٩٠ هەزار ماڵ و کارخانە بڕێد.
دەسەڵاتەیل ئەمریکا مەزەنە کەن داوەزینیگ پەیمانەیی لە پلەی گەرمی و گەردەلویل لە بڕیگ لە ویلایەتەیل ئەمریکا بوود، ک هاتێ لە ویلایەت جۆرجیا و کینتاکی و نیویۆرک و ئۆکلوهاما و نۆرت کالورینا و داکوتای باشوور بکەفنە ئامادەباشی.
