گەردەلویل وەفر لە ئەمریکا گیان ١٦ کەس سینێد و کارەبا لە نزیکەی یەک مەلیۆن کەسیش بڕێد
2022-12-25T07:46:34+00:00
شەفەق نیوز/ کەردەلویلیگ جەمسەری رەسیە فرەی ناوچەیل ئەمریکا و بویە هوکار کوشیان ١٦ کەس لەلای کەمەو وە رویداوەیل هاتوچو، و بڕیان کارەبا لە زیاتر لە ٨٠٠ هەزار کەس و پویچەڵکردن کاروانەیل ئاسمانی.
مەزەنە کریاگە ئەو داوەزین سەختە لە پلەی گەرمی جەژن سەر ساڵ بکەێدە سەردترین جەژن.
زوور فرەیگ هاتە بان سیستەمەیل وزە لە گشت وڵاتەگە وەگەرد داوای زیاییگ ئەرا گەرمەوکردن و هەمیش ئەو زەرەدەیلە ک رەسینە کڕەیل کارەبا لەوەر شەپوول وەفرەگە، و زیاتر لە ٨٠٠ هەزار کەس لە کارەبا بیبەش بوین.
ئی شیواشیوە رۆتین رووژانە و پلانەیل کار لەلای مەلیونا ئەمریکی شکان.
ئمڕوو نزیکەی ٢٧٠٠ کاروان ئاسمانی ئەمریکی پویچەڵ کریت و بڕیار دویاخستن زیاتر لە ٦٢٠٠ کاروان دریا.
رویداوەیلیگ هاتوچو لەوەر کەشوهەوا لە وڵاتەگە بوینە هوکار کوشیان ١٦ کەس لەلای کەمەو، بڕین ریەیل لە هەزاران کەس لەناوڕاس یەخ.
