گەردەلویل تونیگ لە ئەمریکا گیان پەنج کەس سینێد
![گەردەلویل تونیگ لە ئەمریکا گیان پەنج کەس سینێد](https://media.shafaq.com/media/arcella/1680766200389.png)
وینەیلیگ وەلایەن دەزگایەل راگەیانن ناوخوەی بڵاوبویە نشان دان درەختەیل بڕیانە و ماڵەیلە ویران بوینە لە ئاوای گلینالین ک کەفێدە باشوور خوەرهەڵات ولایەتەگە.
دەسڵاتدارەیل دیاریکردن،" ئۆپراسیۆن مینەکردن و قورتارکردن وە درویژایی دویەشەو چوارشەممە کریاگە و تا ئیسەیش وەردەوامە"، تیم فریاگوزاری کار کەێد ئەرا پاکەوکردن ماڵ و بینایەیل بازرگانی ویرانبوی، و مینەی قوربانیەیل زیاتر کەن.
وەپای ئاژانس فەرەنسیی، گەردەلویل دیاردەی باویگە لە ئەمریکا وە تایبەت لە ناوچەیل ناوڕاس و باشوور.