ئەڵگەردیان ئێران وە دەمتەقە دە مل هنەێل هەستەئی
2021-09-05T19:58:54+00:00
شەفەق نیوز/ سه‌رۆک‌کومار ئسڵامی ئێران دە دەمتەقەێ تلیفزیانی وتگە ک ئێران دوارە دخوازێ وە باس و قسە دە بان مەسەڵەێ ئنرژی هەستەئی وەرد هووز "پەنج + یەک" گل بخوەێ.
ئبراهم رەییسی دەێ بارە وتگە: قسە کردن بایەد وە هام‌ویری و بەشداری هەر دو لا ببێ نە دە ژێر زوور وتن و پاملەێ چشتێ کردن.
ئەوی وتگە: ئیمە دە شوون جەڵەسە ناین ئەڕا جەڵەسە نییمن و دخوازیمن ئی دەمتەقەێلە دە جی رووژگارکوشەکی و قسەێ ول کردن، وە سەرئەنجام و دەرئەنجام خاسێ بڕەسێ ئوو دەمەقڕە کردن دە راساێ کار ئیمە نییە و هایمنە شوون یەکاگرتنەێل راسکانی نە درووکانی.
خووە بزانن ک لە کات هاتن دەوڵەت ئاغاێ رەییسی وە سەر کار، هێمان دەنگ و دووێ لە دانیشتنەێل ئی جەرخە وەرد ئێران دە شار وییەن نەبییە.
