ئەرجەنتین ئیران وە تیرۆرست راگەیان
لە بڕیارەگە کە میدیا ناوخۆییەیل بڵاوی کردن، باس ئەوە کریاس کە ئیران لە ساڵ ١٩٩٢ فەرمان پەلاماردان باڵیۆزخانەی ئیسرائیل و لەبان ناوەند یەهودیەیل "کۆمەڵەی هاوبەش ئیسرائیلی ئەرجەنتین" (AMIA) لە ساڵ ١٩٩٤ جیوەجی کردگە.
هەرلیوا دادگاگە حزبوڵای پاڵپشتیکریای ئیرانی توومەتبار کرد، و پەلامارەگەی لەبان ناوەن ئامیا - خویناویترین لە مبژوو ئەرجەنتین - وە "تاوانیگ دژ وە مرۆڤایەتی" وەسفکرد، وەگورەی ئەوەگ میدیایل ناوخۆییە لە بەڵگەنامەیل دادگاوە بڵاو کردنە.
کارلۆس ماهیکیس، یەکیگ لەو سێ دادوەرە کە بڕیارەگە دەرکردگە، ئەرا ڕادیۆی کۆن ڤۆس راگەیان “حزبوڵڵا ئۆپەراسیۆنیگ ئەنجامدا کە وەڵام پلانیج سیاسی و ئایدیۆلۆژی و شۆڕشگێڕانەی داسەو کە لەلایەن حکومەتیگ ری وەپی دریاوێد”، وە نشانەکردن وە ئیران.
لە ساڵ 1992 پەلاماریگ لەبان باڵیۆزخانەی ئیسرائیل 29 کەس لەلی کوشیا، دوبای دوو ساڵ وە بارهەڵگریگ پڕ لە تەقەمەنی پەلامار لەبان ناوەند ئامیا ئەنجامدریا و لەلی 85 کەس کوشیان و 300 کەسیش زەخمدار بوین.
هویچ لایەنیگ وەرپرسیارێتی پەلامارەگەی ساڵ ١٩٩٤ نەکردە خاوەن، بەڵام ئەرجەنتین و ئیسرائیل لە زویەو ئەو باوەڕە داشتنه کە حزبوڵای لوبنان لەسەر داوای ئیران ئەو کارە ئەنجامداس.
داواکاران گشت وەرپرسانی باڵای ئیران توومەتبار کرد وە فەرمان پەلامارەگە، تەهرانیس وەڵام دا کە هویچ دەسیگ لەو باوەتە نەیرێد.
ئەرجەنتین گەورەترین کۆمەڵگەی یەهود ئەمریکای لاتین دیرێد کە نزیکەی ٣٠٠ هەزار کەس هاناوی، و ئی وڵاتە وە شوین نیشتەجیبوبن پێکهاتە کووچبەرەیل دانریەێد کە لە خوەرهەڵات ناوڕاسەو هاتنە، وەتایبەتی لە سوریا و لوبنانەو.
