راپۆرتيگ بريتانى باس قهيرانهيل سهختيگ له ئيران ئهكا
![راپۆرتيگ بريتانى باس قهيرانهيل سهختيگ له ئيران ئهكا](https://media.shafaq.com/media/ii2dpif0/58d4c7a1c36188bc528b457d.jpg)
شهفهق نيوز/ رووژنامهى "غارديان" بريتانى باس لهوه كرد قهيرانهيل سهخت ئيران ئهرا يهكهمجاره له سێ لايهنهو دهس وهپى بكا، يهكهميان خوهينيشانداينهيل له عراق ك شايهت بدێده هووكار رميان رژيم له تههران.
رووژنامهگه راپۆرتيگ مارتن شولوف پهيامنێر كاروبار خوهرههڵات ناوين بڵاو كرد لهبارهى داوهزين گرنگيداين وڵاتهيل يهكگرتگ وه خوهرههڵات ناوين و پيشبينى ئهوهيش ئهكا سهردهم تازهيگ پهيا بدێ له ناوچهى عهرهبى.
شولوف وت: لهوهختيگ ك دۆناڵد ترهمپ سهرۆك ئهمريكا بڕيار دا مقهيهتى له هاوپهيمانهيلى نهكا، دوينيم ك ركابهرهيل له ناوچهگه فراوانتر بوون، چوينكه وه دريژايى مێژوو وڵاتهيل يهكرگگ زوورم كارتهيل وازيهگهێ خوهرههڵات ناوين وهدهسيهو بوێ و وه قورسايى ئهوهيش مقهيهتى له هاپوهيمانهيل و بهرژهوهنديهيلى كردگه.
جى باسه، شولوف ههميش وت: ئيران دوياى ئهوهگ خرسهگه تاقييهو كرد و دوينستهى خهفتگه، روێوهر فراوانيگ ئهرا مناورهى سياسى هاورده كار، وهلێ ئهرا يهكهمجاره تويش قهيرانهيل سهختيگ هات له سێ لاوه، يهكهميان ناوخوهيى له روێ وهڕوى بوينهوهى خوهينيشانداينهيل دژ وه رژيم، دويهميش له مهيدان عراقى ك خوهى له خوهينيشانداينهيل ديهسهو، سێيهميش له لوبنان، ك يهيش لهيوا ئهكا مهترسى زياتر بكهفێدهو ئهرا رميان رژيم و رويداين بۆشايى ئهمنى گهورايگ.