راپۆرتيگ بريتانى: ئافرهتهيل ئيرانى دژ سهرپووشن و مينهێ ئازادێ ئهكهن
![راپۆرتيگ بريتانى: ئافرهتهيل ئيرانى دژ سهرپووشن و مينهێ ئازادێ ئهكهن](https://media.shafaq.com/media/archive/files/KURDISH/qqqqqq2.jpg)
شهفهق نيوز/ رووژنامهێ غارديان راپۆرتيگ لهبان ئافرهتهيل ئيرانى بڵاو كرد ك لهتى كراهيهت خوهيان ئهرا سهرپووش دهرخستنهو گهردنه شوون ئازادێ لهناو پاركهيليگ ك تهنيا شوون ژنهيله له تههران پايتهخت، ك ئى راپۆرته لهلايهن رينات فان ديرزى پهيامنێر رووژنامهگه له تههران ئامادهێ كردگه.
لهى راپۆرته، لالى ك تهمهنى 47 ساڵانه و له ئارايشگايگ جوانكارێ له تههران كار ئهكا وهل هاوڕيهيلى له پارك "بهههيشت داڵگهيل" نيشتگهو ئويشێد: دووس ديرم سهرپووشهگهم لاوهم و لهيرايش ئهتويهنيم جنگ نازگ لهوهر بكهيم و منيش حهز لهلى ئهكهم.
لهو پاركه ئافرهتهيل جنگ كوڵ لهوهريان بوێ و سهما كرديان وهل ئيقاع مۆسيقا، وهلێ دويهتهيل خوهندكار له مهدرهسه بايهسه وه سهرپووشهو بچنه دهوام، ههر وهو خاتريشه بڕيگ له ژنهيل خوهشاڵى خوهيان نيشان ئهيهن له وهختيگ ئهچنه شوونهيليگ ك ئهتويهنن لهتى سهرپووشهيليان لاوهن.
جى باسه، فكرهێ پاركهيل تايبهت وه ئافرهتهيل كهفتهسه وهر رهخنهيل تر، ئهويش وه بوونهێ لاوردن سهرپووش، وهلێ وهل ئهوهيشا ئافرهتهيل فريهيگيش روێ لهو پاركهيله ئهكهن وهخاتر ئازادێ.