راپرسێ كه‌تالۆنيا ترس وه ئۆرپا په‌يا كردگه
شه‌فه‌ق نيوز/ مه‌ردم ئۆرپا وه فره‌يى چه‌وديرێ راپرسێ سه‌روه‌خوه‌يى كه‌تالۆنيا ئه‌كه‌ن ك بڕياره يه‌كشه‌ممه ده‌نگ له‌بانى بدريه‌ێد و پيشبينى يه‌يش ئه‌كريه‌ێد زوورم مه‌ردم وه به‌ڵێ ده‌نگ بيه‌ن و هان ناوچه‌يل تر بدريه‌ێد ئه‌گه‌ر مه‌يل ئه‌را جيابوينه‌وه داشتوون.
ئاژانه‌سه‌يل هه‌واڵ له‌ى باوه‌ته‌و باس له‌وه ئه‌كه‌ن ك ئى جيايه له كشوه‌ره‌گه فشاره‌يل تازه‌يگ ئه‌خاده بان يه‌كێتى ئۆرپا و چالاكى داواكارى دروس ئه‌كا له‌بان جيايى له ئسكوتله‌ندا و ناوچه‌يل فلاندرز له به‌لجيكا و دويرگه‌ێ فارو سه‌ر وه ده‌سڵات دانيماركێ.
جى باسه، مه‌ردم كه‌تاڵۆنيا ئه‌و ياساێ ره‌ته‌وكه‌ر ئسپانيه يا هه‌وڵه‌يل تونڕه‌وانه‌ێ ماريانو راخوى ئه‌را نواگيرى له ئه‌نجامداين راپرسێ فه‌رامووش كردنه‌و له هه‌مان وه‌خت زوورم سه‌ركرده‌يل ئۆرپييش دوير ئه‌گرن له‌و روێداگ يا بڕيار وه‌رگرتن هه‌ڵويسته له‌باره‌ێ كه‌تالۆنياو بيده‌نگى يه‌كێتى ئۆرپايش وه شيوه‌يگ تايبه‌ت ئاشكراس.
