ئیران...پویچەوکردن تووڕیگ تایبەت وە رفانن هاوڵاتیە بیانیەیل
بەش پەیوەندی گشتیەگان لە بارەگای "حمزة سيد الشهداء" سەر وە سوپای پاسداران ئیران راگەیانیە، 4 ئەندام سەر وە یەکیگ لە تووڕە سەرەکیەگان چالاک لە مژار رفانن بیانیەیل لە شار خوی دەسگرکردنە.
سەرۆک بنکەگە عەمید عەلی ئەکبەر پورجەمشیدیان وت، " چەتە بڕفنەیل بیانیەیل لە ناوچەی سنووری خوی (لە پارێزگای ئازەربایجان خوەرئاوا - باکور خوەرئاوای وڵاتەگە) رفاننە، کەفتنەسە ناو کەمین ئۆپراسیۆنەیل هزەیل ئێ بارەگا.
پورجەمشیدیان وتیش، "ئۆپراسیۆن دەسگیرکردن ئێ تووڕە شەوەکی رووژ جومعە، ئەنجامدریایە لەئەنجام 4 ئەندام یەکیگ لە تووڕە سەرەکی و چالاکەیل دەسگیرکریان کە تاوان رفانن وەرانوەر بیانیەل ئەنجامدانە دزی لەلیان کردنە و ئەزیەتیان دانە".
دیاریکرد، بڕیگ هاوڵاتی عراقی لەماوەی گوزەشتە لە ئیران کەفتنە وەر رفیان، پارچە ڤیدیۆیەیلیگ لەبان تووڕ کۆمەڵایەتی بڵاوکریایە لەناوی دەرچگە رفیاگەیل وە زنجیر بەسیانە.
