ئیران وەناوهاتن 3 میلۆن زیارەتکەر ئەرا عراق راگەیان و ئیمام جومعەی تەهران دەسخوەشی لە عراقیەیل کەێد
2023-09-01T14:18:12+00:00
شەفەق نیوز/ سەرۆک هێزەیل ئەمنی ناوخوەی ئیران عەمید ئەحمەد رەزا رادان، ئمڕوو جومعە، خەوەردا کە ۳ ملیۆن زیارەتکەر ئیرانی چینەسە ناو عراق ئەرا وەجی رەسانن مەراسیم زیارەت چلەی ئیمام حسێن لە شار کەربەلا.
ئاژان "فارس" ئیرانی نیمەفەرمی لە زوانی وەرپرس ئەمنی ئیران راگەیان، تا ئیسە لەو سەردانکەرەیلە ئەرا وڵاتەگە گلەونەخواردنە.
هەمیش ئیمام جومعەی تەهران حوجەتول ئسلام "کازم سەدیقی" لە وتارەگەی وت، جموجویل چلە جموجویلیگ خوەوەخوەی و جەماوەریە وەبی بودجەی تایبەت حکومەت ئەرای، وتیش گشتمان شانازی کەیمن وە خزمەت زیارەتکەرەیل.
دیاریکرد بەشداریکردن ئیرانیەیل و ئەو وڵاتەیلتریش وە تایبەت میللەت عراقی لە میوانداریکردن زیارەتکەرەیل چلە وەلایەت عراقیەیل نمونەیگن ئەرا خزمەتکردن زیارەتکەرەیل.
