ئیران وەسێدارەدان گەنجیگ لە بلووشیەگان جیوەجی کەێد
2021-01-30T10:45:20+00:00
شەفەق نیوز/ شەوەکی ئمڕوو شەممە، ئیران جیوەجی فەرمان وەسێدارەدان دژوە زیندانیگ سیاسی لە کەمینە بلووشیەگان کرد، هەرچەن داواکاری نەتەوەیی فراوانیگ وە وسانن وەسێدارەدانی بوی.
ماڵپەڕ «ئیران ئەنتەرنەشوناڵ» خەوەردا ک تەهران وەسێدارەدان جاوید دەهقان خولد ٣١ ساڵان لە زیندان ناوەندی زاهدان، وە توومەت دژایەتی و هاوکاری وەگەرد کۆمەڵەیل دژوە رژیم جیوەجی کرد.
ماڵپەڕەگە لە زووان نۆینەر گشتی لە هەرێم سیستان و بلوشستان باس لە دووپاتکردن وەسێدارەدان جاوید یەکیگ لە سەرکردەیل کۆمەڵەی سوپای داد لە سیستان و بلوشستان کرد.
رووژ جمعە، دادگای ماف مرۆڤ داوا لە ئیران کرد فەرمانەگە بووسنێد و دووارە بنووڕیەێدە ئەو فەرمان وەسێدارەدانەگان، وەگورەی یاسای ماف مرۆڤ.
هەمیش رێکخراو وەخشین ناودەوڵەتی داوا لە دەسەڵاتەیل ئیران کرد فەرمان وەسێدارەدان گەنجەگە بووسنێد.
