ئیران هەڕەشەی سزادان ئیسرائیل دەێد لەبان کوشتن نیلفروشان

شەفەق نیوز/ وەزارەت دەیشت ئیران، ئمڕوو دووشەممە، دووپات کرد کە ئەوەسا تووڵەی کوشتن عەباس نیلفروشان عەمید لە سوپای پاسداران ئیران لە ئیسرائیل سینێدەو، کە وەگەرد کوشتن حەسەن نەسرولڵا ئەمیندار گشتی حزبولڵای لوبنان لە ٢٧ ئەیلوول گوزەشتە گوشیا.

لە بەیاننامەگەی پرسەنامەی وەزارەتەگە نووەو کرد کە سەرەخوەشی لە عەلی خامەنەئی ریبەر باڵای ئیران و گەل ئیران و ئەو گەلەیل ئازاد لە جەهان و بنەماڵەی ئی شەهید مەزنە.

وتیش: میژوو تاوانی بوواری زایۆنیستی لە وەخت دروسبوینی تا ئمڕوو دەرکەفێد کە بیدەنگی وەگەرد دەسدرویژی و تاوانەیلی هیلێد ویرەی زیاترەو بوود و تاوانەیلی گەورەو بوون.

  دووپات کرد کە کوشتن ئی فەرماندەی سەربازی ئیرانی گەورە گامیگ نایاساییە، و بیگومان ئیران گشت توانایلی ئەرا سزادان قەوارەی زایۆنیستی لەبان ئی تاوانە وەکار تیەرێد.