ئیران لە ماوەی سالیگ زیاتر لە 36 خانمە چالاکوان دەسگیر کردیە
2021-11-26T07:59:16+00:00
شەفەق نیوز/ وەگورەی ریخریاگ ماف مرۆڤ ک مامەلە وەگەرد کاروبار کورد لە ئیران کەێد ئاشکەرای کرد، دەسڵاتدارەێل ئێران لە ماوەی ساڵیگ وەلایەن کەمەو 36 خانمە چالاکوان کورد دەستگیرکریانە.
رێکخریاگ "هەنگاو" لە راپۆرتیگ وت: لەماوەی تشرین دۊیەم ساڵ 2020 تا ئی مانگە لەی ساڵە دەسڵاتدارەێل ئیران فرەتر لە 36 خانمە چالاکوان کورد دەسگیر کردنە.
لە راپۆرتەگە وتیش؛ " لەو ماوە، 9 خانمە چالاکوان کورد لە پارێزگای کرمانشان، و 14 خانمە چالاکوان لە پارێزگای کوردستان، وخانمە 11 ژن لە پارێزگای ئازەربایجان خوەرئاوا، دو خانمە چالاکوان لە پارێزگای ئیلام دەسگیر کریانە".
وتیش؛"لەو 36 خانم دەسگیر کریاگەێلە، 28 وە توومەت چالاکی گیریانە، شەشیان وە توومەت چالاکی مەدەنی، دوان وە توومەت چالاکی ئاینی دەسگیر کریانە".
