ئیرانیەیل لە هەولێر لە هەڵوژاردن سەرۆکایەتی وڵاتیان دەنگ دەن
![ئیرانیەیل لە هەولێر لە هەڵوژاردن سەرۆکایەتی وڵاتیان دەنگ دەن](https://media.shafaq.com/media/arcella/1719581589554.jpg)
پەیامنێر ئاژانس شەفەق نیوز وت: بڕیارە لە ساعەت ٨ ئیوارە سەندووقەیل دەنگدان بوسیەن.
خول ١٤مین هەڵوژاردن سەرۆکایەتی ئیران لە شەوەکی ئمڕوو جمعە دەسوەپی کرد، لەناو وڵاتەگە و ١٣٨ شاند دیبلۆماسی کۆمار ئیسلامی ئیران لە دەیشت وڵات.
ئیران هەڵوژاردن وەرجەوەختەی سەرۆکایەتی وەخوەی دوینێد، کە دەسەڵاتەیل وڵاتەگە دویای مردن سەرۆک ئیبراهیم رەئیسی لەناو رویداو کەفتن هیلیکۆپتەرەگەی وەرد حسێن ئەمیر عەبدوڵلاهیان وەزیر دەیشت لە ١٩ی ئایار گوزەشتە بڕیاری دا.