ئیران.. فەرمان وەسێدارەدان نوویگ کە پەیوەندی وە ناڕەزایەتیەیل ٢٠٢٢ دیرێد
یە سێیەمین وەسێدارەدانە لە باوەت پەیوەندیدار وە ناڕەزایەتیەیل، کە لە ئەیلوول ٢٠٢٢ دەسوەپی کرد، دویای کوشیان ژینا ئەمینی وەدەس پولیس ئەخلاق.
ریخریاگ هەنگاو کە بارەگای هالە نەرویژ وت: میلادی زوهروند شەفەق لە زیندانیگ لە شار هەمەدان دریا سێدارە، کە فەرمان وەسێدارەدانی لەبان کوشتن ئەفسەریگ لە سوپای پاسداران لە مەوقەی خوەینشاندان ناوچەی مەلایر دەرچگ.
ئەو ربخربایە کە باس باوەتەیل کورد کەێد وتیش: زوهروند هویچ ئاگادارییگ وەپی نەڕەسیە کە وەسێدارەدانی نزیکە، و دەرفەت دویاترین دیداریگ وەرد بنەماڵەگەی وەپی نەیریایە، و میدیایل راگەیانن ناو ئیران هویچ قسەیگ لە جیوەجیکردن وەسێدارەدان زوهروند نەکردنە، کە تەمەنی لە سەرتای بیس ساڵان بوی.
گرووپ یاسایی دادبان هەمیش لەبان سۆشیال میدیا دووپات کرد کە وەسێدارەدانی جیوەجی کریایە، وتیش: زوهروند بیبەش کریا تا پارێزەر ئەرا خوەی بگرێد.
دەسەڵاتەیل ئیران، هەفت کەس لەی باوەتەیلە کە پەیوەندی وە خوەینشاندان ٢٠٢٢ دیرن دادە سێدارە، کە بوی جی نەفروتکردن کۆمەڵەیل ماف مرۆڤ و حکومەتەیل خوەرئاوا.
