ئیران دەسکردە کلکردن فڕۆکەیل بێفڕۆکەوان ئەرا ئیسرائیل
هگاری وتیش: تەقەلای نواگیریکردن فڕۆکەیل بێفڕۆکەوان کەیمن تا نەڕەسنە ناو خاک ئیسرائیل، و ئەگەر نەوی، فیکەی هووشداری کوتیمن.
سایت ئەکسیوس ئەمریکی لە سەرچەوەیلیگ ئەمریکی و ئیسرائیلی خەوەردان کە ئیران دەسکردە پەلامار تووڵەسەنینی لەبان ئیسرائیل.
وەگورەی سەرچەوەیل، مەزەنە کریاس ئەو فڕۆکەیلە چەن ساعەتیگ وەپییان بچوود تا لە ئیرانەو بڕەسنە ئیسرائیل.
هەرلیوا، بینیامین نەتنیاهو سەرۆک وەزیرەیل ئیسرائیل باس دەسکردن وە پەلامار ئیران کرد و وت: سیستەم وەرگری ئیمە بڵاو گریانە، و ئیمەیش ئامادەیمن ئەرا هەر سیناریۆیبگ لە وەرگری و هیرشکردن.
وتیش؛ دەوڵەت ئیسرائیل ئازدارە، و سوپا وەبەجەرە، و گەلمان توانادارە و وە پشتبەسین وەخودا بەجەریان کەیمن.
چەن دەوڵەتیگ وە کۆمپانیایگ ریکارەیل مقیتیبوین جیوەجی کردن، لەناو چەوەڕیکردن ئیسرائیل ئەرا ئەو پەلامارە کە لە وەڵام کوشتن فەرماندەی سەربازی گەورەیگ هات لە کونسوڵخانەی ئیران لە دیمەشق.
