ئیران دەسگیرکردن گشت ئەوانەگ دەسیان لە ناو پەلامارەگەی شیراز بویە راگەینێد

شەفەق نیوز/ ئاژانس هەواڵگری ئیرانی، ئمڕوو دووشەممە، دەسگیرکردن گشت ئەو کەسەیلە راگەیان ک دەسیان لەناو پەلامارەگەی شیراز بویە، و دیاری کرد ک دەسگیرکردن رەسیە ٢٦ تیرۆرست ک گشتیان بیگانە بوینە لە ئازەربایجان و تاجیکستان و ئەفغانستان.

ئاژانسەگە لە بەیاننامەیگ وت: لە ئۆپراسیۆنیگ هەواڵگری ک لە فراوانترین ئۆپراسیۆنەیل وەزارەت ئاسایشە، رەسیە کوشتن و دەسگیرکردن گشت ئەو کەسەیلە ک دەسیان لەی رویداوە بویە، و لە نیاز و جیوەجیکردن ئیجویر کار تیرۆریە.

دیاری کرد ک دویاترین کەس دەسگیر کریا ک ئەرا جیوەجیکردن ئیجویر کارەیلیگ هاتیەسە ناو وڵاتەگە، تا شمارەیان بڕەسێدە ٢٦ تیرۆریست.