ئیران.. دەسگیرکردن کەسەیلیگ لە باوەڕ بەهائی وە دەسپیچگ پەیوەندییان وەرد ئیسرائیل
2023-07-26T05:46:26+00:00
شەفەق نیوز/ دەسەڵاتەیل ئیرانی، بڕیگ کەس لە باوەڕدارەیل بەهائی لە پارێزگای گیلان باکوور وڵاتەگە دەسگیر کردن، لەبان پەیوەندییان وەرد ئیسرائیل، وەگورەی میدیایل راگەیانن ناوخوەیی.
ئاژانس خەوەری ئیرانی "فارس"، لە بەیاننامەیگ هاوبەش ناوەین وەزارەت ئاسایش و ریخریاگ هەواڵگری سوپای پاسداران وت: ئەو کەسەیلە توومەتبارتن وەشیوەیگ راستەوخۆ و ناڕاستەخۆ وە ناوەند زايۆنست ک وەناو (ماڵ داد) ناسیایە و بارەگای ها خاک فەلەستین، ک ئەرکیگ ستراتیژی ئەرا زنیکردن تایفەی بەهائی لەڕیدەرچگ لە پارێزگای جیلان کار کەێد.
وتیش؛ ئەو کەسەیلە کار ئەرا بڵاوکردن باوەڕ بەهائی کار کەن ک کۆلۆنیالیزم دروسی کردیە.
بەهائی وە باوەڕ نوویگ دریەێدە قەڵەم، ک ریشەگەی چوودەو ئەرا سەرەتای سەدەی نۆزدە لە ئیران، وەلی دەسەڵات ئیران ری وەپی نەیا.
تەهران لە ساڵ ٢٠٢٢ چەن کەسیگ لە باوەڕ بەهائی لە پارێزگای مازەندەران دەسگیر کرد.
