ئیران خەڵات ئەو پیاو ئەمریکیە کەێد ک پەلامار سەڵمان روشدی داگە
محمد ئیسماعیل زراعی ئەمیندار دەزگای جیوەجیکردن فتوایل خومەینی وت: وەڕاسیەو سوپاس لەو کار ئازایانەی ئەو گەنج ئەمریکیە کەیمن، ک دڵ موسەڵمانەیل خوەشەو کرد، وە کوورکردن یەکیگ لە چەوەیل روشدی و دی توانای وەکارهاوردن یەکیگ لە دەسەیلی نەیرێد.
زراعی وتیش: ئیرنگە روشدی بویەسە کابرایگ زنی مردگ، و ئەرا خەڵاتکردن ئی کردەوەی ئازا، ئەوەسا نزیکەی ١٠٠٠ مەتر زەوی کشتوکاڵی پیشکەش وەو کەسە کریەێد پەلامارەگە جیوەجی کرد، یا کەسیگ لە نوینەرەیل یاسایی.
روشدی لە تەمەن ٧٥ ساڵە، کەفتە وەر پەلامار وە چەقوو، لەناو کۆنگرەیگ لە چوتوکوای باکوور ویلایەت نیویۆرک ئەمریکا، لەئەنجام ئەو پەلامارە چەوەیگی لەدەسدا، و هاز دەسیگی نەما.
ئی پەلامارە دویای ٣٣ ساڵ لە فتوای خومەینی وە هەڵاڵکردن خوین سەڵمان روشدی هات، ک دویای چەن مانگیگ لە چاپکردن ڕوومان (ئایەتەیلیگ شەیتانی) وەلایەن روشدی ئەو فتوا دەرچگ.
