ئیران بازیکەرەیلیگ تووپان دەسگیر کەێد
![ئیران بازیکەرەیلیگ تووپان دەسگیر کەێد](https://media.shafaq.com/media/arcella/1672643690309.jpg)
2023-01-02T07:15:04+00:00
شەفەق نیوز/ دەسەڵاتەیل ئیران، شمارەیگ لە بازیکەرەیل تووپان ئیسە و بازیکەرەیلیگ وەرین دەسگیر کردن، ئەوەیش لە دویای ئامادەبوینیان لەناو ئاهەنگیگ تیکڵا لە شەو سەر ساڵ.
ئاژانس تەسنیم ئیرانی، ئمڕوو یەکشەممە، وت: شمارەیگ لە بازیکەرەیل وەرین، لەناو یەکیگ لە یانەیل سەرەکی لە تەهران، دویەشەو لەناو ئاهەنگیگ تیکڵا لە شار دەماوەند خوەرهەڵات تەهران دەسگیر کریان، وەبی باسکردن هویدەکاری لە شمارەی ئەو بازیکەرەیلە یا ناویان یا یانەیان، وتیش: بەشیگیان وە سرووشت خوەیان نەوینە، دویای نووشین مەی.
یاسای ئیرانی سزا لەبان نووشین و فرووشتن مەی و کحول دەێد، و قەیەغەی تیکڵابوین لە بەشیگ لە شوینەیل گشتی و سەمای تیکڵا ناوبەین دوو رەگەز کەێد.