ئۆکرانیا خستن ١١ فڕۆکەی بێفڕۆکەوان ئیرانی راگەینێد
شەفەق نیوز/ هیزەیل وەرگری ئاسمانی ئۆکرانیا، ئمڕوو یەکشەممە، وەخوارخستن ١١ فڕۆکەی بێفڕۆکەوان ئیرانی لە مارکەی "شاهد ١٣٦" لە ناوچەی میکۆلایف باشوور وڵاتەگە راگەیان.
هیزەیل وەرگری ئاسمانی، نواگردن دوو فڕۆکە لە باکوور و خوەرهەڵات وڵاتەگە راگەیان، وەگەرد سێان لە باشوور ئۆکرانیا.
سوپای ئۆکرانیا، وەگورەی بەیاننامەی وەزارەت وەرگری، تەقەلای وەنواهاتن و پەلامارەیل هیزەیل رووسیا لە ناوچەی باخموت و باخموتسکی و ئیڤانگراد و مارکێنا و سولیدار وئۆزاریانڤیکا و ئۆدرادیڤکا لە ناوچەی دونیسک شکانەو، یەیش وەگەرد پەلاماریگ لە بیلوگوریڤکا لە ناوچەی لۆگانسک.
لە بەرەی خيرسون، سوپای ئۆکرانیا توەنست ٦ یەکەی چەک و ئامیر سەربازی لە نۆڤایا کاخوڤکا ویران بکەێد، وەگەرد زەخمدارکردن نزیکەی ١٥٠ سەرباز ڕووسی.
هەمیش دەسکردن وە کیشناەوی هیزەیل رووسیا لە بیریسلاڤ و چریفنی وچکالۆڤ لە خيرسون توومار کریا.
