ئیران ئاگادار واشینتۆن و دەوڵەتەیل ناوچەگە کەێد: وەڵام هەر پەلامار نوویگ ئیسرائیل دەیمنەو
شەفەق نیوز/ ئیران، ئمڕوو شەممە، دووپات کرد کە ئەوەسا وەڵام هەر پەلامار ئیسرائیلی نوویگ وەبان خاکی دەێدەو، وەگورەی CNN.
سکای نیوز عەرەبی CNN وت: تەهران ئاگادار واشینتۆن و بەشیگ لە دەوڵەتەیل ناوچەگە دا کە ئەوەسا وەڵام هەر پەلامار نوویگ وەلایەن ئیسرائیل دەێدەو.
هەرلیوا، محمد باقر قالیباف سەرۆک پەرلەمان ئیران دووپات لە پاڵپشتیکردن سەرکردایەتی ئیران ئەرا لوبنان و حزبولڵا لە گشت رەوشەیل کەێد، ئەوەیش دویای رەسینی ئەرا بەیروت وە سەردانیگ ئەرا یەک رووژ، و دویای ئەوە روی وەرەو جنێڤ کەێد.
قالیباف لە کۆنگرەیگ رووژنامەوانی لە بەیروت پایتەخت لوبنان وت: پەیامیگ لە عەلی خامەنەئی ریبەر باڵا و مەسعود پزیشکیان سەرۆک ئیران هەڵگردیە، کە ئویشێد وەگەرد لوبنان وسیمن.
دووپاتیش لە ئامادەیی ئیران ئەرا پیشکەشکردن دەسمیەتی ئەرا لوبنان و ئاوارەیل جەنگ لە وڵات کرد.
وتیش: پشتگیری لە گشت بڕیارەیل حکومەت و وەرخودان لە لوبنان و حزبولڵا کەیمن.
هەمیش وت: ئەوەسا روی وەرەو جنێڤ کەم، و باوەت گەل لوبنان و فەلەستین وەگەرد خوەم بەم، ئەوەیش لەناو بەشداریکردنی لە گردەوبوین یەکێتی پەرلەمان ناودەوڵەتی.
