ئیران 43 زیندانی لە عراقەو بەێد ئەرا تەواوکردن سزاگەیان لە وڵات خوەیان
شەفەق نیوز/ جیگیر وەزیر داد ئیران و کاروبار ماف مرۆڤ و پەیوەنەیل ناودەوڵەتی عەسکەر جەلالیان، ئمڕوو شەممە، راگەیان 43 هاوڵاتی ئیرانی زندانی ناو زندانەیل عراق ئەرا وڵاتەگەی خوەیان بردەو ئەرا تەواوکردن سزاگەیان لە وڵات خوەیان.
وەپای ئاژانس فەرمی "ئیرنا"، جەلالیان ئاشکرایکرد، ئۆپراسیۆن گواستنەوەگە لە چوارسووک رێککەفتنیگ تێد لەبان ئاڵشتکردن زیندانی ناوەین ئیران و عراق، کە 20 زیندانی ئیرانی لە زیندانەیل هەرێم کوردستان عراق کلەوکریانە لەناویان 16پیای و 4 ژن هەس.
سەرۆک لیژنەی گواستنەوەی سزادریاگەیل لە وەزارەت داد وتیش، 23 زیندانی ئیرانی ترەک هەمیش گوازیانە لە زیندانەیل پارێزگای سلیمانیەو لەدویای تەواوکردن رێکارەیل یاسایی پێویست.
جەلیلیان دیاریکرد، لەماوەی مانگ گوزەشتە، 180 زیندانی ئیرانی لە شمارەی وڵات ترەک ئەرا وڵاتەگە گوازیانە وەپای رێکەفتن ئاڵشتکردن سزادریاگەیل.
