ئەرا یەکەمین جارە دڵ وەرازیگ ئەرا ئایەم دانریا
شەفەق نیوز/ پزیشکەیل ئەمریکا سەرکەفتن یەکەم نەشتەرگەریی دانان دڵ وەراز لەلەش ئایەم راگەیانن، ک وە شیوەیگی وەجیمەنی دەستکاری کردنە.
پزیشکەیل سەر وە ناوەن پزیشکی زانکۆی "میریلاند" ئاشکەراکردن، "نەشتەرگەرییەگە ماوەی هەفت ساعات وەپی چگە و ئەو بیمارە نەشتەرگەریگە ئەرای کریایە ناوی "دەیڤد بینیت"ە سێ رووژ وەبان نەشتەرگەریەگەی رەدبۊیە و ئیسە بار تەندروسیی جیگرە."
ماڵپەڕە جیهانییەکان بڵاو کردنە ک پزشکەیلە وە تەواوی لە ئەنجام خاسی نەشتەرگەرییەگەیان دڵنیا نەۊین، باوجی وە رەزامەندی دەیڤد و کەسوکارەیلی نەشتەرگەرییەگە ئەرای ئەنجام داگە.
لە مانگ تەشرین یەکەم پارەکە، پزیشکەیل تایبەت وە نەشتەرگەری لە نیویۆرک سەرکەفتن لە دانان گورچگ وەرازیگ لە لەش ئایەم راگەیان.
ئی کارە؛ گامیگتر جەهان و زانست نزیکەو کەێد لە چارەسەرکردن "قەیران کەمی ئەندامەیل" وەپایەی ساڵانە کەسەیل فرەیگ لەوەر لەکارکەفتن ئەندامیگ لەشیان گیان لەدەس دەن.
