راپۆرتیگ: ئەمریکا نیگەرانە لە وەڵامدانەوەی "زویوەزوی" ئیسرائیل ئەرا ئیران
وەگورەی ڕاپۆرت ئێن بی سی نیوز، ئی نیگەرانییە لەو رێبازە سەرچەوە گریەێد کە ئیسرائیل لە جەنگ دژوە حەماس لە کەرت غەززە کردیە، یەیش بیجگە لە پەلامارەگەی لەبان کۆمەڵگەی باڵیۆزخانەی ئیران لە دیمەشق.
هەر لە خود چوارچیوە وەرپرسیگ ئەمریکی ئاشکرا کرد کە جۆ بایدن سەرۆک ئەمریکا ئاگادار بنیامین ناتانیاهۆ سەرۆ وەزیرانی ئیسرائیل کردیە کە ئەمریکا بەشداری هویچ ئۆپەراسیۆنیگ لەبان ئیران نیەکەێد.
وەگورەی هەواڵ کەناڵ سی ئێن ئێن، ئەو وەرپرسە ئاشکرا کردگە بایدن ناتانیاهۆ ئاگادارکردگە کە هەڵسەنگاندن ئەمریکی دەریخستگە کە پەلامار ئیران تاڕادەی فرەیگ سەرکەفتی نەوین، و توانای سەربازی باڵای ئیسرائیل نیشاندا.
لە ناو پەیوەندییە تەلەفۆنییەگە بایدن ئاگادار سەرۆک وەزیران ئیسرائیلی کرد کە ئەمریکا دژایەتی هەر پەلاماریگ ئیسرائیل وەبان ئیران کەێدر وە وتەی وەرپرسیگ کۆشک چەرمگ کە قسە وەگەرد ئەکسیۆس کردگە.
ڕاپۆرتەیل ئیسرائیل ئاشکرا کردنە کە ناکۆکی لە ناوەین ئەندامەیل حکومەت ئیسرائیل لەباوەت وەڵامدان پەلامارەگەی ئیران رویداگە.
لە دیدارە زویوەزویەگە حکومەتی ئەمنیەتی، مووڵەت سەرۆکوەزیرەیل ئیسرائیل بنیامین ناتانیاهۆ و یۆئاڤ گالانت وەزیر وەرگری و بێنی گانتز ئەندام کابینەی وەرگری ئیسرائیلی ئاشکرا کردنە ئەرا وەرگردن بڕیاریگ گونجیاگ ئەرا وەڵامدان پەلامارەگە.
بەڵام بڕیگ کەسایەتی لەناو ئەنجومەنەگە ناڕەزایییگ نیشان دانە وەرانەور ئی ڕێبازە، وەگورەی ئەوەگ رووژنامەی تایمز ئۆف ئیسرائیل بڵاوی کردگە.
پەلامار ئیران لەبان ئیسرائیل لە کاردانەوەی پەلاماردان بەش کونسوڵگەری باڵوێزخانەی ئیران لە دیمەشق، لە سەرەتای مانگ نیسان ئەمساڵ، وە پەلاماریگ مووشەکی ئیسرائیل، کە بویە مدوو کوشیان ٧ ئەندام سوپای پاسداران ئیران، لەناویان سەرکردەی دیار محمد ڕەزا زاهیدی.
