راپۆرتەیل ئیسرائیلی: هیزگردن ئاگر وە مدوو نادیاریگ لەناو ١٦ کەشتی سوپای پاسداران ئیران
2024-01-08T15:21:30+00:00
شەفەق نیوز/ راپۆرتەیل راگەیانن ئیسرائیل، ئمڕوو دووشەممە، ئاشکرای خەوەر هیزگردن ئاگر لە دوورگەی قشم باشوور ئیران کرد، کە بویە هوکار سزیان ١٦ کەشتی سەروە سوپای پاسداران.
رووژنامەی "معاريف" ئیسرائیلی وت: ئیوارەی رووژ یەکشەممە، ئاگاداری لە تەقیان نادیاریگ لەناو سەربازگەی دەریاوانی سوپای پاسداران ئیرانی لە دوورگەی قشم رەسیە، کە بویەسە مدوو سزیان ١٦ کەشتی کە سەربازەیلیگ وەرەو حووسییەیل لە یەمەن بەن.
لە پارچە ڤیدیۆیلیگ لەبان سۆشیال میدیا چەن کەشتییگ سزیای دیار دەێد، و دویکەڵ خەسیگ لەو شوینە بەرزەو بوود.
سایت balatarin ئیراني وت:
چەن گەناڵیگ ئیسرائیلی باس رەسین زەرد گەورە وە ١٦ کەشتی سەروە سوپای پاسداران ئیران کردن، لەناویان کەشتی سیخوڕی دەسمیەتی لە ئۆپراسیۆنەیل حووسییەیل دەێد.
