راگەیانن سوریا: ئمڕوو حکومەت نوو ئاشکرا بوود

شەفەق نیوز/ سەرچەوەیلیگ راگەیانن سوریا، ئمڕوو شەممە، وتن؛ ئاشکراکردن کابینەی حکومەت نوو لە ساعەت دەی ئمشەو بوود، وەگورەی بڵاوکردن تەلەڤزیۆن سوریا.

بڕیارە ئەحمەد شەرع لە پۆست سەرۆکایەتی حکومەت بوود، وەگورەی دەستوور قۆناغ گواستنەوەیی، کە لەی دویایی بڕیار دریا، کە ماوەگە وە پەنج ساڵ دیاری کەێد، لەناو دەسەڵات جیوەجیکردن لە وڵاتەگە وەڕیەو بەێد.

  دەسەڵاتەیل نوو، لەو وەختە حکومەت وەڕیەوبردن کاروبار لە وڵاتەگە تا ماوەی سێ مانگ راگەیانن، مە تەگبیر بوی لە سەرتای ئی مانگە کابینەی حکومەت ئاشکرا بکردان.

دویەکە جمعە، ئەحمەد شەرع بڕیاریگ وە دروسکردن ئەنجومەن فەتوای باڵا دەرکرد، و دامەزرانن ئوسامە رفاعی جویر موفتی کۆمار عەرەبی سوری دانا.