پرۆفیسۆریگ لە زانکویگ وەناوبانگ جەهانی ئەمریکا سێ هاوکار خوەی کوشێد
2023-12-08T09:53:38+00:00
شەفەق نیوز/ میدیا ئەمریکییەیل، ئمڕوو جمعە، بڵاو کردن کە مامووستایگ زانکۆ پەلامار کەمپ زانکۆی نیڤادا لە لاس ڤێگاس داگە، و سێ ئەندام دەسەی مامووستایی کوشتیە جویر تووڵەسەنین کە لە کارەگەی بیبەشی کردنە.
باس لەوەیش کریا، ئەو پرۆفیسۆرە کە ناوی ئەنتۆنی پۆلیتۆیە، تەمەنی ٦٧ ساڵە، لە کارەیلی لە کۆلێژ و زانکۆ جیاوازەیل ویلایەت نیڤادای ئەمریکا بیبەش بویە، ئەراوە وەرجە چگنی ئەرا ناو بینای کەمپەگە، دەوانچە خستیەسە ناو پشتنەگەی لە کەمەری، لە زانکۆی نیڤادا، لق لاس ڤێگاس (UNLV)، و سێ لە خوەنەوارەیل ئەندامەیل فاکەڵتی کوشتیە، وەگورەی قسەی پولیس ئەمریکا.
دویای ئەوەگ پولیس لە تەقەکردنیگ کوشتنەی، نۆ مەخزەن گولەی دەوانچەی 9 ملم پەیا کریا، کە پارەکە وەشیوەیگ یاسایی سەنیەسەی، و لیست ئەو کەسەیلە کە تواستیە بکوشێدەیان لەلای پەیا کریایە، هەرچەن ناو هویچ کەسیگ لەوانەگ تەقە لەلیان کردیە لەناو ئەو لیستە نەوینە.
تۆمەتبارەگە لە تەقەکردن وەرد پولیس نزیکەی ١٠ خولەک دویای یەکەم ڕاپۆرت تەقەکردن لە بیم هۆڵ کە بینایگ سەر وە کۆلێژ کارگێڕ بازرگانییە، کوشیا.
