ديموكراسيخواز سوريا چواره‌مين ده‌بابه‌ێ توركى ويران كرد
2018-01-27T10:20:00+00:00
شه‌فه‌ق نيوز/ هيزه‌يل ديموكراسيخواز سوريا، ئاشكراى ويرانكردن چواره‌مين ده‌بابه‌ێ سوپاێ توركى كرد له سه‌ره‌تاێ ده‌سوه‌پيكردن كرده‌وه‌يل سه‌ربازێ ئه‌را بان شار عه‌فرين تائيسه.
له‌ى باوه‌ته‌و، ناوه‌ند ره‌سانن هيزه‌يل ديموكراسيخواز سوريا له به‌ياننامه‌يگ ئه‌وه ده‌رخست ك هيزه‌يلێ روێ وه‌ڕوێ هه‌وڵيگ پيشڕه‌وێ سوپاێ توركى و گرووپه‌يل چه‌كدار بوبنه‌سه‌و له محوه‌ر ئاوايى "عمارا" سه‌ر وه ناحيه‌ى "راجۆ" له عه‌فرين.
جى باسه، به‌ياننامه‌گه هه‌ميش وت: هيزه‌يلمان له كه‌مين بته‌ويگ تويه‌نستنه ده‌بايه‌يگ تر سوپاێ توركى ويران بكه‌ن و يه‌يش بويه‌سه هووكار كوشيان گشت سه‌ربازه‌يل له‌ناو ئه‌و ده‌بابه، ك وه‌يه‌يش چواره‌مين ده‌بابه‌ێ توركى ويران كرياگه تائيسه.
