ديمه‌شق: كۆپته‌ره‌يل ئه‌مريكى بڕيگ ترۆريست ئه‌را شوونيگ ناديار جيواز كردن
2017-12-31T08:59:00+00:00
شه‌فه‌ق نيوز/ سه‌رچه‌وه‌يل سورى ئه‌وه ده‌رخستن ك كۆپته‌ره‌يل ئه‌مريكى بڕيگ له چه‌كداره‌يل ريكخرياگ ترۆريستى داعش ئه‌را شوونيگ ناديار جيواز كردنه ك زويتر له ريف دێره‌زۆره‌و هاوريانه ئه‌را كه‌مپ ئه‌لسه‌د له باشوور شار حه‌سه‌كه.
له‌ى باوه‌ته‌و، ئاژانس"سانا"سورى له زووان سه‌رچه‌وه‌يليگ ناوچه‌يى له حه‌سه‌كه وت: هاوپه‌يمان ناوده‌وڵه‌تى بڕيگ ترۆريست له كه‌مپ ئه‌لسه‌د جيواز كردگه ئه‌را شوونيگ ناديار وه كۆپته‌ره‌يل ئه‌مريكى.
جى باسه، ئه‌و سه‌رچه‌وه‌يله باس له‌وه‌يش كردنه ك ئه‌و چه‌كداره‌يله هه‌مان ئه‌و چه‌كداره‌يله بوينه ك زويتر هاوپه‌يمان ناوده‌وڵه‌تى له دێره‌زۆره‌و جيوازيان كردگه وه‌تايبه‌ت له ئاوايه‌يل ئه‌لشعێتات.
