دياريكردن مه‌رزه‌يل ده‌ريايى ناونى مسر و سعوديه پويچه‌ڵ كريا
2017-01-16T17:20:00+00:00
شه‌فه‌ق نيوز/ دادگاى ئدارى باڵا له مسر حوكميگ كووتايى له باره‌ى پويچه‌ڵكردن ئمزاى ريككه‌فتن دياريكردن مه‌رزه‌يل ده‌ريايى وه‌ل سعوديه ده‌ركرد ك له‌تى جيوازكردن ته‌به‌عيه‌ت هه‌ردوگ دويرگه‌ى تيران و سه‌نافير له ده‌رياى قرمز گرته خوه‌ى، ك ئى بڕياريشه گرژى فيشتر ئه‌خاده ناونى هه‌ردوگلا.
دادگاى ئدارى باڵا له دانيشتنيگى ك ته‌له‌فزيۆن مسرى راسه‌وخۆ بڵاوى كرد باس له پويچه‌ڵكردن ئه‌و برياره كرد وه‌ل ده‌رخستن ناڕه‌زايه‌تى له‌بان ئمزاكردنى له‌لايه‌ن نوێنه‌ر حكومه‌ت مسرى.
جى باسه، دوياى ده‌ركردن ئه‌و حوكميشه پاريزه‌ره‌يل و ئاماده‌بويه‌يل له‌و دانيشتنه ده‌سكردنه وتن دروشمه‌يل"ئه‌ڵڵاهوئه‌كبر" و "مسريه مسريه" ، يه‌يش له ئاماژه‌يگ ئه‌را هه‌ردوگ دويرگه‌ى ناوبرياگ ك كه‌فتنه‌سه ده‌روازه‌ى كه‌نداو ئه‌لعه‌قه‌به له ده‌رياى قرمز.
