دويه‌م وڵات ئاشكراى جيوازكردن باڵوێزخانه‌گه‌ێ كرد ئه‌را قودس
2017-12-25T11:26:00+00:00
شه‌فه‌ق نيوز/ جيمى مۆراليس سه‌رۆك گواتيمالا، ئاشكراى ئه‌وه كرد ك فه‌رمان جيوازكردن باڵوێزخانه‌ێ وڵاته‌گه‌ى داگه له ته‌ل ئه‌بيب ئسرائيله‌و ئه‌را قودس، ك وه‌يه‌يش يه‌كه‌م سه‌رۆكيگه پشتگيرى هه‌ڵوێست دوناڵد ترامپ سه‌رۆك ئه‌مريكى ئه‌كا.
مۆراليس له به‌ياننامه‌يگ له‌بان هساو فه‌رمى خوه‌ى له ماڵپه‌ڕ كۆمه‌ڵايه‌تى فه‌يسبوك، ئه‌وه ده‌رخست ك بڕيار جيوازكردن باڵوێزخانه‌گه‌ێ داگه له ته‌ل ئه‌بيب ئه‌را قودس دوياى قسه‌كردنى وه‌ل بنيامين ناتانياهۆ سه‌رۆك وه‌زيره‌يل ئسرائيلى.
جى باسه، مۆراليس هه‌ميش نويساگه: يه‌كيگ له باوه‌ه‌يل گرينگمان جيوازكردن باڵوێزخانه‌گه‌مان بويه ئه‌را قودس و هه‌ر وه‌و خاريشه فه‌رمان جيوازكردنى دامه وزاره‌ت خارجيه ئه‌را ده‌س وه ريكخستن تايبه‌ت و خواست بكا له‌وه‌ر جيوه‌جيكردنى.
