دوياى دپيه‌كه‌وكردن.. ترامپ وشدارى دا ئيران

دوياى دپيه‌كه‌وكردن.. ترامپ وشدارى دا ئيران
2019-07-02T10:32:15+00:00

شه‌فه‌ق نيوز/ دۆناڵد تره‌مپ سه‌رۆك ئه‌مريكا وشدارى دا ئيران له‌وه‌گ "وازى وه‌ ئاگر" ئه‌كا دوياى ئه‌وه‌گ ئاشكراى كرد ك ئاست يۆرانيۆمه‌گه‌ێ ره‌سيه‌سه‌ ئاست به‌رزيگ وه‌گووره‌ى ئه‌و ريككه‌فتن ئه‌تۆميه‌ ك كرياگه‌ له‌ 2015.

 

تره‌مپ له‌ ماڵ چه‌رمگ ئه‌را رووژنامه‌نويسه‌يل له‌ جواو پرسياريگ له‌باره‌ى ئه‌وه‌گ ئه‌گه‌ر په‌ياميگ ئه‌را ئيران ديرێد وت " ئه‌وان خوه‌يان ئه‌زانن چه‌ ئه‌كه‌ن.. خوه‌يان ئه‌زانن وازێ وه‌ چه‌ ئه‌كه‌ن و باوه‌ڕم ئه‌وه‌سه‌ وازى وه‌ ئاگر ئه‌كه‌ن".

 

جى باسه‌, ئى هه‌ڕه‌شه‌ى تره‌مپه‌ دوياى ئه‌وه‌ هات ك ماڵ چه‌رمگ ئعلان كرد ك وڵاته‌يل يه‌كگرتگ و هاوپه‌يمانه‌يلى رێ وه‌ ئيران نايه‌ن په‌ره‌ پيه‌ێده‌ چه‌كه‌ ئه‌تۆميه‌گه‌ى و جه‌خت له‌وه‌ كردن ك واشنتۆن گه‌وراترين فشار ئه‌خاده‌ بان كۆمار ئسلامى ئه‌را ئه‌وه‌گ ده‌س له‌ به‌رنامه‌ ئه‌تۆميه‌گه‌ى هه‌ڵگرێد.

Shafaq Live
Shafaq Live