دويای سەرۆکایەتی وەزیرەیل بەریتانیا، بۆریس جۆنسن بویە بە پەخشکار لە کەناڵ جی بی نیوز
کەناڵ جی بی نیوز بڵاو کردیە کە جۆنسۆن لە سەرەتای ساڵ ٢٠٢٤ەو جەیر پیشکەشکار و بەرنامە ساز و شرۆڤەکار کار کەێد، و رۆڵ سەرەکی رانێد لە رووماڵکردن هەڵوژاردنەیل ئایندەی بەریتانیا کە مەزەنە کریەێد بکەفێدە ساڵ ئایندە، و هەمیش هەڵوژاردنەیل ئەمریکایش.
جۆنسۆن لە پلاتفۆرم ئێکس نویسان: "من نووڕین ئاشکرای خوەم وەی کەناڵ تەلەفزیۆنیی نوو گرنگە دەم، لەبان گشت چشتیگ لە رووسیا تا چین، جەنگ ئۆکرانیا، چوین نواگیری ئی هەمکەی سەختیەیلە بکەیمن، و ئەو دەرفەتە گەپەیلە کە هانە وەردەممان".
کەناڵە تەلەفزیۆنییەگە لە ساڵ ٢٠٢١ وە تیکەڵیگ لە هەواڵ و نووڕین و شیکاری دەسوەپی کرد، کە زیاتر لە تووڕە ئەمریکییەیلی جویر فۆکس نیوز چوود، لە چەو هاوتا بەریتانیەگانیان.
دەسەڵات چەودیاریکردن پەخش بەریتانیا ئەرای هاتە دی کە ویستگەگە لە چەن بوونیگ یاسای بیلایەنی شکانیە.
ویستگەگە لەلایەن کۆمپانیای ئۆڵ پەرسێپتیڤەو خاوەنداریەتی کریەێد، ئالان مەککۆریک سەرۆک ئەو وێستگە و ئەنجێلۆس فرانگۆپۆلۆس سەرۆک دەسەی وەڕێوەبەری تووڕەگەس.
جۆنسن کە سەرکردەی سەرەکی سیاسی لە پشت جویلەی دەرچگن بەریتانیا لە یەکێتی ئەوروپا بوی، لە ساڵ ٢٠١٩ جویر سەرۆکوەزیرەیل بەریتانیا دانریا، و فرەی دەنگ لە هەڵوژاردن وەدەس هاورد، کە لە کۆتایی ئەو ساڵە ئەنجامدریا، بەڵام لە ساڵ ٢٠٢٢ دەس لەکارکیشایەوە دویای زنجیرەیگ رسوایی کە پشتگیریکردن فرەیگ لە پەرلەمانتارەیل پارت پارێزگارەیل هاتە بانی.
