دوو کوشیان و یەک زەخمداری لەناو تەقەکردنیگ لە ئەمریکا
شەفەق نیوز/ پۆلیس ئەمریکا کابرایگ لە فڕۆکەی ئەتلانتا دەسگیر کرد، تا کۆتایی وە مینەکردنیگ بارێد ئەرا چەن ساعەتیگ وەپی چگ، دویای دوو رویداو تەقەکردن لەناوڕاس ئەو شارە لەناوڕاس ویلایەت جۆرجیا، ک بویە هووکار کوشیان دوو کەس و زەخمداری کەسیگتر.
پۆلیس ئەتلانتا وت: تەقەلا دەێد دیاری ئەوە بکەێد ئایا ئەو کەسە قوربانیەیل کردیەسە ئامانج، یا هەر وە هەڕمەکەی تەقە کردیە.
دویای ئاگاداری وە تەقەکردنیگ، پۆلیس دوو کەس زەخمدار لەناو بینایگ نزیک کۆلۆنی سکوێر پەیا کرد، ک نویسینگە و مۆڵ هاناوی لەناوچەیگ لەناوڕاس شارەگە لە ئەتلانتا.
پۆلیس دویای ئەوە وت؛ یەکیگ لەو دوو زەخمدارە مرد، وئەوەکە رەسیە خەسخانە.
هەنای پۆلیس لەو شیونە بوی، ئەفسەرەگە تەلەفۆنیگ ئەرای هات ک تەقەکردن لە شوینیگ نزیک هەس، ک لەورا سێیەم قوربانی پەیا کریا.
پۆلیس وت: ئی کابرا گولە لەلی دریاگە، ودویای ئەوە لە خەسەخانە گیانی لەدەسدا.
ئەفسەرەیل لێکۆڵینەوە کردن لە پەیوەندی ناوبەین ئی دوو شوینە، و پۆلیس وت: زانیاریەیل نشان ئەوە دەن ک گومان لە ژنیگ هەس لەی دوو رویداوە.
وەرجەیەگ شوین گومانلیکریاگ لە فڕۆکەخانەی "هارتسفیڵد جاکسۆن ئەتلانتا" دیاری بوود و دەسگیر بکریەێد، پۆلیس چەن گەڕەکی لەناوڕاس شارەگە بەسا.
