دوویەم رفانن بڕیگ لە خوەنەوارەیل لە نەیجیریا
2021-02-26T12:09:06+00:00
شەفەق نیوز/ دەسەڵاتەیل نەیجیریا، ئمڕوو جمعە، راگەیانن تۆمارکردن دوویەم رفانن کۆمەڵی لە ماوەی کەمتر لە دوو هەفتە، لەلایەن کۆمەڵەیگ چەکدار.
ئازانس رۆیتەرز لە زوان قسەکەر وەناو حاکم وەلایەت زامفارا لە باکوور خوەرئاوای نەیجیریا وت: خوەنەوارەیلیگ لە یەکیگ لە مەکتەوەکان لە وەلایەتەگە رفیان، وەبی باسکردن لە ژمارەی رفیایەکان و ووردەکاریەکان.
ئەیە دوویەم رفانن لەماوەی چەن رووژیگ لەو ناوچە لەسای زیایبوین چالاکیەیل کۆمەڵە توندڕەوەکان لەورا.
لە هەفتەی گوزەیشتە، چەکدارەیلیگ نەناسریاگ لە پەلاماریگ شەوانە لەبان مەکتەویگ ناوخۆیی لە وەلایەت نەیجەر، خوەنەواریگ کوشتن و ٤٢ کەس لەلیان رفانن، و تا ئیسە مەرەقەز نەکریانە.
