دوو کەشتیوان لە چووڵایی ئاسمان گیرکردنە و تا ساڵ 2025 نیەتوەنن گلەوبخوەن
2024-08-08T08:37:10+00:00
شەفەق نیوز/ دوو کەشتیوان کە لە مانگ حوزەیران گوزەشتە زەوی وەجیهیشتن وەرەو چووڵایی ئاسمان لە وێستگەی چووڵایی ئاسمان ناودەوڵەتی مەننە و گیرکردنە، وەپای قسەی وەرپرسەیل ناسا هاتێ تا ساڵ 2025 نەتوەنن گلەوبخوەن.
ناسا ئاشکەرایکرد " دوو کەشتیوان ئەمریکی کە لە مانگ حوزەیرانەو ئەرا ئەرۆیگ هەشت رووژە وەرەو وێستگەی چوڵایی ئاسمان ناودەوڵەتی گەشت کردنە گیرکردنە و هاتێ تا ساڵ ئایندە نەتوەنن ئەرا بان زەی گلەوبخوەن".
دیاریکرد، "دوو کەشتیوانەگە وە کەشتی ئاسمانی ستارلاینەر کۆمپانیای بۆینیگ گەشت کردنە و ئیرنگە گیچەڵ تەکنیکی کەفتیەسە ناوی، وەی مدووە بایەت چەوەڕێ کەشتی کرێو دراگۆن کۆمپانیای سپەیس ئێۆس بوونکە بڕیارە لە مانگ شوبات 2025 گەشتەگەی ئەرا ئەو وێستگە ئەنجام بدەێد".
جی باسە کۆمپانیای بۆینگ لەگوزەشتە لە بەیاننامەیگ راگەیاندبوی، ”متمانەمان فرەس وە گلەوخواردن کەشتی ستارلاینەر و تیمەگەمان”.
