دوو رویداو تەقەکردن چەن قوربانی و زەخمداریگ لە ئەمریکا خەێد
پولیس لە بەیاننامەیگ راگەیانیە، لێکۆڵینەوە لە رویداویگ تەقەکردن کەن کە بویە مدوو زەخمداری چوار مناڵ کەم تەمەن و کەسیگ کەورە لە شار چیساپیک لە ویلایەت ڤێرجینیا.
لە بەیاننامەگە هاتیە، دویای ماوەیگ کەم لە ساعەت 5 دویای نیمەڕو ئەفسەرەیل تەلەفۆن وەپییان رەسیە لەباوەت تەقەکردن لە گەڕەکیگ نیشتەجیبوین.
وەگورەی بەیاننامەگە، پەنج زەخمدارەگە ئەرا چارەسەرکردن بریانە خەسەخانە، تا ئیسەیش گومان لە هویچ کەسیگ لە رویداوەگە نەویە.
وەرجەیە، سێ کەس لە شار ئەتلەنتا لە ویلایەت جۆرجیا وەگورەی ئامار پولیس ناوچەگە، کەفتنە وەر گولە لەناو تەقەکردن و کوشیان.
پولیس باس ئەوەیش کرد کە رویداوەگە لەنزیک ناوەندیگ بازرگانی بویە، وتیش؛ لە لێکۆڵینەوەی سەرەتایی دەرکەفتیە تەقەکردنەگە وە ئامانج بویە، کە کەسیگ نزیکەو بویە لە دوو کەس و دەسکردیەسە تەقەکردن، و یەکیگیان تەقەی لەلی کردیە، لە ئەنجامەگەی هەر سێ کەسەگە کوشیان.
