دو تووڕ کۆمەلایەتی لە رووسیا قەیەغە کریا
2022-03-23T06:46:46+00:00
شەفەق نیوز/ میدیایەیل رووسیا بڵاو کردنە، دادگای مۆسكۆ، داواكارییگ پەسەن كردیە لەباوەت وە ئەو كەیسە وەلایەن جیگر یەكەم داواكار گشتی دژ كۆمپانیای مێتا توومار کریایە ئەرا قەیەغەکردن چالاكییەیل پێکەیل لە ناو خاک رووسیا.
وەگورەی بڕیارەگەی دادگا، هەردگ تووڕ کۆمەڵایەتی فەێسبووک و ئینستاگرام قەیەغە کریەن، لەوەر ئەوەگ چالاکی تونوتیژی وەرانوەر وە رووسیا بڵاو کردنە.
