دویەتیگ لە وڵات میسر دەزویرانەگەی خوەی وەرجە چەن رووژیگ لە سویریان کوشێد
شەفەق نیوز/ میدیایل راگەیانن میسری، باس هویردەکاریەیل ئەو تاوان قیزەوەنە کردن ک لە شار مەحەلە کوبرا لە پارێزگای غەربی ئەی میسر بویە، ک گەنجیگ وەدەس دەزویرانەگەی تاسیایە.
ئەو تاوان قەیزەوەنە، وەگورەی رووژنامەی "ئەلشرووق" میسری، لەناو ئەو ماڵە بویە ک کوڕەگە وەرد دەزویرانەگەی ئامادەی کردنە تا دویای سویریان لەناوی داکاسیەن.
دەزگا ئەمنیەیل ئاگاداری وەپیان رەسیە ک دویەتیگ لەتەمەن خوار بیس سالان، لەچگ سەری ناسە قوڕگ کوڕیگ لە تەمەن ١٩ ساڵان، ک دەزویران دویەتەگەس، وتەگبیر داشتنە دویای چەن رووژیگ سویر بکەن، و کوڕەگە هاوردنەسە خەسخانە، و لەورا گیانی لەدەسدایە.
رووژنامەگە لە زوان یەکیگ لە کەسوکارەیل قوربانیەگە وت: کوڕەگە چیە تا کارەیل ئامادەکاری لەناو شوقەگەی تەواو بکەێد، گوایە تا لە رووژ جمعەی ئایندە سویر بکەێد.
وتیش: کوڕەگە دەزویرانەگەی وەگەرد کوڕیگتر وە رویتی لەناو شوقەگە دیە، و دویەتەگە لە رخ رسوایی وە لەچگ سەری دەزویران خوەی تاسانیە.
ئیجا، دویەتەگە تەلەفۆن داڵگ قوربانیەگە کردیە، وتیە: کوڕەگە لەهووش خوەی چگە، تا بوەنەی خەسخانە.
لە خەسەخانە، پزشکەیل ئاشکرای شوین تاسیان لەقەی مل کوڕەگە کردنە، تا ئاگادار پولیس کردنە، و ئەرا پزشک دادوەری بریا.
