دویەتەیلیگ لە ساڵیاد لەداگبوین پیغەمبەر "سەما" کەن و بیزارییگ لەلای مەردم تونس دروس بوود
شەفەق نیوز/ ئاهەنگ ساڵیاد لەداڵگبوی پیغەمبەر لە تونس، ئمڕوو پەنجشەممە، تویڕەیی و کاردانەوەی فراوانیگ لەبان سۆشیال میدیا پەیا کرد، دویای سەماکردن دویەتەیل لەو ئاهەنگە، ک لایەن رێکخەر ئاهەنگەگە ناچار بوی داوای وەخشین لە جەماوەر بکەێد.
کۆمەڵەی ڤیستواڵ ناودەوڵەتی لەداڵگبوی پیغەمبەر لە تونس، رووژ سێشەممەی گوزەشتە، لە شار قەیرەوان ئاهەنگیگ سازێد، و مەردمەگە سەرسام بوین، هەنای دویەتەیلیگ وە پڕتاڵ کوڵ، دەسکردنە سەماکردن، وەگەرد سروودەیل ئاینی.
ئیزگەی "مۆزاییک ئێف ئێم" تونسی وت: سیمای دویەتەیل بیزاری وتویڕەیی لەلای ئامادەبویەیل دروس کرە، ک فرەیان لە شوینەگە چینە دەیشت، لەوەر ئەو سیمایلە ک وە ناپووڕیاگ دانەی قەڵەم.
لەبان سۆشیال میدیا، هەژمارەیلیگ ئەو پارچە ڤیدیۆ بڵاو کردن، ک دویەتەیل لەناوی وەی بوون ئاینیە سەما کەن.
لەلای خوەییش، کۆمەڵەی ڤیستواڵ ناودەوڵەتی لە سەمای دویەتەیل داوای وەخشین کرد، و وت: وەرجەیە هوشداری خاوەن نمایشەگە لەی کارە کردیە، وتیش: داوا لەلی کردیە ئیجویر نمایشە بووسنێد، و ئەوەیش جیوەجی کریا.
