دویای کوشیان دوو ئەفسەرەگەی ئمڕوو شمارەی کوشیاگەیل سەربازەیل ئیسرائیلی ئەرا 370 کەس بەرزەوبوی
2023-11-16T07:41:02+00:00
شەفەق نیوز/ سوپای ئیسرائیلی، ئمڕوو پەنجشەممە، کوشیان دوو سەرباز و زەخمداری دوانتر راگەیان لەماوەی جەنگەیل هشکایی ناو کەرت غەزە.
کوشیان دوو ئەفسەرە ئیسرائیلیەگە شمارەی کوشیاگەیل سەربازەیل لە ماوەی پەلامارەیل هشکایی بەرزەوکرد ئەرا 51 کوشیاگ، و شمارەی کوشیاگەیل؟سووپای ئیسرائیلی لە 7 ئۆکتۆبەر وەرین تا ئیسە بەرزەوکرد ئەرا 370 کوشیاگ.
سوپای ئیسرائیلی دویەشەو چوارشەممە، راگەیان دوو سەرباز کوشیانە و دووانیش زەخمدارن وە سەختی لەماوەی پەلامارەیل رووژ سێشەممە لە جەنگکردن لە باکور کەرت غەزە.
