دویای هەفتەیگ لە گیرهاتنیان لەناو کانیگ.. نەیجیریا دەس لە پەیاکردن ٢٠ کراکار وەزنی شوورێد

رویداوەگە لە ٣ی حوزەیران بوی، و کە کانگەرە پیشەسازیی کە لەلایەن کۆمپانیایگ  لە ئاوای گالکۆگۆ لە ناوچەی شیرۆرۆ لە ویلایەت نیجەر لە ناوەند وڵات لەژیری گیر هاتن.

رووژ سێشەممە، ئیبراهیم ئۆدە حوسێنی، وەرپرس دەزگای وەڕێوەبردن فریاکەفتن حکومەت، ئەرا ئاژانس فرانس پرێس وت: “دی هویچ ئومدیگ نییە ئەرا پەیاکردن ئەو کانگەرەیلە وە زنی، هەشت رووژ وەبانیان رەد بویە  کە لەناو چاڵەگە گیر هاتنە”.

وتیش: "ئۆپەراسیۆن ڕزگارکردنەگە وە فەرمی وسیا، بەڵام خیزان ئەو کانگەرە گیر هاتگەیلە کە موسڵمانن، وە غیابی نمازیان خوەنین، کە وە مردگ دریانە قەڵەم".

ئاژانسەگە هەفتەی گوزەشتە راگەیان کە زیاتر لە 30 کراگار لەناو کانەگە گیر هاتنە، بەڵام دویای چەن رووژیگ پولیس وت شمارەیان 20 کراکارە.