دویای هەیشت مانگ لە پەتاگە.. تەندروسی جهانی: هەڵگردن قیەغەگان وەبی کۆنتڕۆڵکردن کارەساتیگە
2020-09-01T09:22:37+00:00
شەفەق نیوز/ تیدرۆس ئەدهانوم جیبریسوس وەڕێوبەر گشتی رێکخراو تەندروسی جیانی وت: رێکخراوەگە بانگواز ئەرا دەوڵەتەیل جهان کرد لە وەردەوامبوین کەرەنتینەگان ئەرا نواگردن ڤایڕۆس کۆڕۆنا، وتیش هەڵگردن قەیەغەگان وەبی کۆنتڕۆڵکردن ڤایڕۆسەگە بوودە کارەساتیگ.
تیدرۆس ئاشکراکرد ک فرەیگ لە مەردم دادکەن لە کەرەنتینەگان و داوای هاتنەوە ئەرا ژیان سروشتی کەن دویای هەیشت مانگ لە پەتاگە.
لە کۆنگرەیگ رۆژنامەوانی وت: خوازیمن مناڵەگان بوینیمن تیەنەو ئەرا مەکتەبەیل، ومەردم بانەو ئەرا کارەیلیان، بەڵکم خوازیمن ئەوە وەسەڵامەتی ئەنجام بیریەێد.
تیدرۆس هەمیش وت: هیچ دەوڵەتیگ نێتوێنێد بووشێد پەتاگە تەواوبوی، لەراسیەگە خوەی ئی ڤایرۆسە وەئاسانی بڵاوبوود، هەڵگردن قیەغەگان وەبی کۆنتڕۆڵکردنی کارەساتیگە.
