دویای پەلامارەیل ئەمریکا وەبان دامەزراوەیل ئەتۆمی ئیران.. وەزارەت دەیشت ئیران تیەێدە دەنگ
شەفەق نيوز/ عەباس عراقچی وەزیر دەیشت ئیران، ئمڕوو یەکشەممە، وت: ئەمریکا تاوان رخداریگ جیوەجی کرد، و ئێرانیش ئەرا وەرگریکردن لە خوەی گشت پەسەنیگ هەڵگرێد، ئەوەیش لە یەمەنیک وتار دیبلۆماسی لەلایەن ئیرانەو، دویای گورزەیل ئەمریکا وەبان دامەزراوەیل ئەتۆمی ئیران.
عراقچی لەبان ئێکس نویسان: ئەمریکا تاوان رخداریگ جیوەجی کرد وە شکانن پەیماننامەی نەتەوە یەکگرتگەیل و یاسای ناودەوڵەتی و پەیماننامەی سنووردارکردن بڵاوکردنەوەی چەک ئەتۆمی، وە پەلاماردان دامەزراوەیل ئەتۆمی ئاشتیانەی ئیران.
وتیش: رویداوەیل ئی شەوەکیانە بەدڵ و دەرئەنجام گەنیگ لەلی کەفێدەو، بایەسە گشت ئەندامەیل نەتەوە یەکگرتگەیل نیگەران بوون لەی رەفتار تاوانکارانە و شکانن یاسا و فرە رخدارە.
دووپاتیش کرد کە وەگورەی پەیماننامەی نەتەوە یەکگرتگەیل کە ری وە وەڵامدان دەێد ئەرا وەرگریکردن لە خوەی، ئیران گشت پەسەنیگ ئەرا وەرگریکردن لە خوەی هەڵگرێد دویای گورزەیل ئەمریکا.
عراقچی دووپات کرد کە گورزەیل ئەمریکا دەرئەنجام هەمیشەیی دیرێد.
