دویا قسەی سەرنشینەیل ژیردەریایی تیتان وەرجە تەقیان ئاشکەراکریا

دویای زیاتر لە ساڵیگ لە تەقیان ژیدەریایی تیتان لە بن زەریا دویایین قسەی سەرنشینەیل وەرجە رویداوەگە ئاشکەراکرد.

دەنگەگە پێکهاتیە لە کۆتا قسەی سەرنشینەیل ژیردەریاییەگە ئەرا تیم کەشتیوانی کەشتی پشتیوانی پۆلار پرینس.

سەرنشینەیل ژیردەریاییەگە وەگەرد ئاڵشتکردن زانیاری لەباوەت رەسین ژیردەریاییەگە ۆە چەن قویڵی و کێش ئویشن "گشت چشتیگ خاسە".

ژیردەریایی تیتان لە قویڵایی زیاتر لە 12 هەزار پا لە زەریای ئەتڵەس  لە 18 ی حوزەیران 2023 پەیوەنی وە کەشتیی پشتیوانی پۆلار پرینس بڕیا، دویای چوار رووژ بڕە پارچەیگ پەیاکریا.

ژیردەریاگە لە پەنج سەرنشین پێکهاتوی لەوەر نەمەنن لەناوکاو فشارەو تەقیا و نەتوەنست تەرم هویچ کام لە سەرنشینەیل پەیابکەێد.