دویای قەیەغەکردنیان لە زانکۆ.. خوەینشاندان ژنەیل لەبان بڕیارەیل تاڵیبان لە کابوڵ
2022-12-22T14:42:26+00:00
شەفەق نیوز/ بڕ بویچگیگ لە ژنەیل ئەفغانستان، ئمڕوو پەنجشەممە، لەناو کابوڵ پایتەخت، لەبان بڕیار بزووتنەوەی تاڵیبان وە قەیەغەکردنیان لە چگن زانکۆ خوەینشاندان کردن.
ئی خوەینشاندان بویچگە جویر کردەوەیگ ویرەدار لەنوای رژیم تاڵیبان دریەێدە قەڵەم، ک بەشیگ لەو ژنەیل بەشداریکەرە دەسگیر کرد.
ژنەیل لە یەکیگ لە گەڕەکەیل کابوڵ دەرچگنە ناو جادە، و وتیان: ماف ئەرا گشتیە وهن کەسیگ نییە، و نزیکەی ٢٠ دویەت لەچگ وەسەر وە دەمامەک داوای ماف خوەنەواری کردن.
وەگورەی قسەی وەچەودیەیلیگ، بەشیگ لە ژنەیل خوەینشاندانەگە کەفتنە وەر تونوتیژی وەدەس خانمە پولیسەیل تاڵیبان، و دویای ئەوە دوو ژن مەرەقەز کردن، و ئاوەکان مەننە.
