دویای ٤٠ ساڵ لە حکومڕانی.. سەرۆک وەزیرەیل کەمبۆدیا واز لە پۆستەگەی تیەرێد و دەیدەی دەس کوڕەگەی
هون سین لە وتار وازهاوردنی لە دەسەڵات ک تەلەفزیۆن فەرمی پەخشی کرد وت: ئارەزوو دیرم گەلەگە بفامێد کە دی جویر سەرۆک وەزیرەیل وەردەوام نیەمینم، وتیش؛ هەر جویر سەرۆک حزبەگە و ئەندام لە پەرلەمان مینێد.
هون وت؛ سەرۆک وەزیرەیل نوو ئەوەسا لە ١٠ی ئاب ئایندە نیشێدە تەخت، و پەرلەمان هەڵوژیای لە هەڵوژاردن دویایین، لە ٢١ مانگ ئاب دەسەوکارەو بوود، و ئەوەسا دویای یەک رووژ لەوە کابینە نووەگە قەسەم خوەێد.
وەرجە نزیکەی ساڵ ونیمیگ هون پەیمان داگە حکومڕانی بیەێدە دەس کوڕەگەی، ک مانیە دەس فرەیگ لە هەڵمەت هەڵوژاردن و دەنگدان دویایین داشت.
ئی وازهاوردنە دویای ئەوە ک حزب گەل کەمبۆدیا وە ریبەری هون سین سەرکەفتن گەورەیگ لە هەڵوژاردن رووژ یەکشەممەی گوزەشتە وەدەس هاورد، وە ئەنجام 82% لە دەنگەیل.
حکومەت کەمبۆدیا دەسخوەشی لە رەسین ئاست دەنکدانەگە ئەرا 84.6%، کرد، ک وە رەسینەوەی دیموکراتی لە وڵاتەگە دانەی قەڵەم.
